பூமியே எனது சொர்க்கம் !

நான் வாழும் என் உலகில்
எனக்குமுன் பிறந்து வாழ்ந்து
கொண்டிருப்பவர்கள் அனைவரும்
என் அன்பை நாடும்,
என் அண்ணன்கள், அக்காக்கள் !
எனக்குப்பின் பிறந்து தவழ்ந்து
கொண்டிருப்பவர்கள் அனைவரும்
நான் அன்பு போற்றும்,
என் தம்பிகள், தங்கைகள் !
இவையே நான் பார்க்கும் உலகம் !

நான் வாழும் காலத்தில் வாழும் இவர்களை
கொஞ்சி மகிழாமல்,
வஞ்சித்தால் எனக்கு எங்கே இருக்கிறது
சொர்க்கம் ?

இறைவன் கண்ணுக்குத் தெரியவில்லை !
என்னையும் பெற்ற, இறைவன் பெற்ற
பிள்ளைகளான என் உடன்பிறப்புகள்
கண்ணுக்குத் தெரிகிறார்கள் !

இவர்களை நிரந்தரமாக
நான் பிரியும்பொது,
ஒருவேளை நான் தேடலாம்
இன்னொரு சொர்க்கம் !

அதுவரை,
நான் வாழும் பூமியே சொர்க்கம் !
பார்க்கும் மனிதர்களே
என் அன்புச் சொந்தங்கள் !