பெருச்சாளிகள் ...! [கவிதை]

இரவின் நிசப்பத்தத்தில் இரையெடுக்க
வருவது ஆந்தைகள் மட்டுமல்ல, இருட்டில்
பூனைகள் கண்ணிலும் மண்ணைத் தூவும்
பெருச்சாளிகளும் தான் !

நாய்களைப் போல் கூட்டமாக இருந்தாலும்
பெருச்சாளிகள் அடித்துக் கொள்வதில்லை
கொள்ளை அடிப்பதில்,அதுவும் எவருக்கும்
தெரியாமல் கொள்ளையடிப்பதில்
பெருச்சாளிகளுக்கு நிகர் பெருச்சாளிகளே !

பெருச்சாளிகளைப் பார்த்து நான்
ஆச்சரியப்படுவது ஒன்றுதான் !
எந்த நல்ல குணமே இல்லாத இந்த
பெருச்சாளிகள் எப்படி
பிள்ளையாருக்கு வாகனம் ஆனாது ?

பிள்ளையாருக்கு அருகிலோ, எலிக் கோவிலிலோ
இருந்தாலும் புனிதம் அறியாமல், பெரும்பாலும்
இந்த பெருச்சாளிகள் எப்போதும்
சாக்கடை பொந்தில் மறைவாக
இருந்து கொண்டு ஏமாற்றி உண்பதையும்,
தன் இனத்தை பெருக்குவதை மட்டுமே
தெரிந்து வைத்துக் கொண்டுள்ளன !