சுதந்திர ... நாடே !

சுதந்திர காற்றில் ஆக்சிஜன்
பற்றாக் குறை ... !
சுவாசிக்கும் போது மூச்சு
தடுமாறுகிறது .... !

இன்னும் பேருந்து செல்லாத
சிற்றூர்கள் !
மின்சாரம் காணாத
கிராமங்கள் !
பள்ளிக் கூடம்
காணாத பேருராட்சி !
படித்து நாமும் முன்னேற
வேண்டும் என்ற
விழிப்புணர்வு அற்று,
வசதியில்லாது,
கூன்முதுகு காட்டி வயலில்
ஒரு வேளை சோற்றுக்காக
நாற்று நடும் பெண்டிர் ...!

ஏழைகள் ஏழையாக இருக்க,
அவர்கள் தம்
அல்லல்ப்படும் அன்றாட
வாழ்க்கையில்,
சுருக்குப்பை காசையும்
சுரண்டிவிட்டு
சுதந்திரம் கொண்டாடி
மகிழ்வோம் என்று,
வருகிறது சுதந்திர தினத்தன்று
புத்தம் புதிதாக திரைப்படங்கள் !