நாமெல்லாம் ஜந்துக்கள் !

இருப்பது இறப்பதற்கே என்று
நன்றாக தெரியும் !
சாம்பலாகும் முன் சாதி பற்று
இல்லாமல் இருப்போமா ?

எல்லோருடைய உதிரமும் சிவப்பு
என்பது நன்றாக தெரியும் !
தோலின் நிறம் பார்த்து
தூற்றாமல் இருப்போமா ?

இருபாலர் மூத்திரமும் உவர்ப்பே
என்று நன்றாக தெரியும் !
ஆண்(வர்க) குறி ஆணவம்
இல்லாமல் இருப்போமா ?

வியர்வையின் வீச்சமும், கழிவின்
துர்நாற்றமும் எல்லோருக்கும் உண்டு
பாமரரை பண்பாடற்றவர் என்று
பழிக்காமல் இருப்போமா ?

இறைவன் என்பவன் ஒருவனே
என்று நன்றாக தெரிந்தும்,
மாற்று மத இறைவனை
எள்ளாமல் இருப்போமா ?


இதையும் படிக்கலாம் - ஆழியூரன்