ஆகாயத் தீர்த்தம்!

சிறில் அலெக்ஸசை தொடர்ந்து வெட்டிப்பயல் கொடுத்த மழை பற்றிய தலைப்புக்காக ஒரு மீள் பதிவு !

காலை நேரத்தில் நான் பார்த்த
ரோஜா இதழ்மேல் துளிகளாக
உன் எச்சில் ! அது
பனித்துளி வடிவில், நீ ரோஜாவின்
அழகை ரசித்து பதித்த
உன் இச்சை !

நெஞ்சில் ஈரமில்லா எரிச்சல் என்ற
பூமியின் வேண்டுதல் தானோ
நீ கிடைத்த வரம் ! அல்லது
பசிப்பிணி நோய்த் தீர்க்க வேண்டிய
உயிர்நிலை வாழுதலுக்கு நீர்நிலைதரும்
அட்சய பாத்திரம் நீயா ?

முகில் முகம் இருண்டு, மண்டை இடியில்
துன்ப பிரசவமாக வெளிவந்தாலும், ஒளியோடு
பிறந்த நீ ஒரு தெயவீகம் !
மானம்காத்து மார்பை மறைக்க வேண்டிய
பூமிக்கு, ஈர நூல்ச்சேலையை தொடர்ந்து
வாரி வழங்கும் கண்ணனா நீ !

மாரி உன் தூரிகையால் மகிழ்வாய்
படைக்கும் ஒவியம் வண்ணம்
இச்சைமிகு பச்சை வண்ணமோ,
உனக்கும் கோபம் வந்து, உன்
பால்முகம் பாராமுகம் காட்டிய
இடம்தான் பாலை வனமா ?

எல்லோரும் ஓர் குலம்,
எங்கும் வேண்டும் பொது நலம்,
பண்பாடு காக்க ! என்று
பேரூண்மையை உணர்த்தியே, அனைவரையும்
அன்பொழுக சிரத்தையுடன், எல்லோர் சிரங்களை
ஆசிர்வதிக்கும் ஆகாயத் தீர்தம் நீ !!!