மாங்கல்யம் தந்து நானே
மகிழ்வாய் பெற்ற வர மடி நீ
என் தலை அணைக்கு !
அன்பிற்கும் உண்டோ அடைக்கும் தாழ் ?
தாழ் உடைத்த அன்பில் நாம் பெற்றது
நம் அன்பு(செல்வங்)கள் !
பச்சிளம் குழந்தைப் போல் நீ !
புடைவைக் கடையில் உன் பிடிவாதம்
சட்டைப் பையில் நீ போட்டது கடிவாளம் !
நகைக் கடையில் உன் கடைக் கண்
காணாமல் போனது என் நகக் கண் !
எவருக்கு நான் சொந்தம் ? என்ற
தட்டிப் பறிப்பு விளையாட்டில்
வேறுவழியின்றி விட்டுக் கொடுத்த
உன்(னிடம்) தோற்ற என் தாய்,
இவையெல்லாம் சேர்ந்து
நீ ஒரு குழந்தை என்று காட்டியது !
இருவரும் சேர்ந்து
உன் பாலன்பும், என் பாலன்பும்
இணைந்த விளையாட்டில்
என்னை நீ வீழ்த்தினாலும்
நானே வெற்றி பெற்றதாக
உணர்கிறேன் !
என்னைக் குழந்தையாக்கிய
உன் அணைப்பில் நான் அடைந்தது
மற்றொரு தாய !
நீ குழந்தையா ?
நான் குழந்தையா ?
தெரியாமல் குழம்புகிறேன்!
என்னைக் கிள்ளி விளையாடும் கள்ளி,
உன் கள்ளச் சிரிப்பைக்
கண்டு கொண்ட பிறகும் நான் !
பிகு: திரு எஸ்கே கொடுத்த தலைப்பில் விளையாட்டாக எழுதப்பட்டது இது ... நன்றி எஸ்கே !
மறுமொழி இடுகைக்கு அனுமதி இன்னும் வழங்கப்படாத்தால், பின்னூட்டமிடும் அன்பர்கள் அவ்வப்போது வந்து மறுமொழியை பார்த்துச் செல்ல வேண்டுகிறேன் !
11 : கருத்துக்கள்:
///
மாங்கல்யம் தந்து நானே
மகிழ்வாய் பெற்ற வர மடி நீ
///
நல்லா இருக்குங்க இது
நானிட்ட தலைப்பென்று நன்றிதனைச் சொன்னாலும்
நீரிட்ட கவிதையிது நிகழ்வாகிப் போனதிங்கு!
ஆமென்று கூறுவதே அல்லாமல் வேறென்ன சொல்லுவது!
ஒவ்வொருவர்க்கும் அவர் மனைவி குழந்தையே!
சிறப்பான வரிகளையே தொடுத்திங்கு போட்டுவிட்டீர்!
மறுக்காமல் ஒப்புகொள்வேன் ஒவ்வொரு வரிதனையும்! -- கூடப்
பிறக்காத உறவான மனையாளை வாழ்த்தலன்றி
வேறொன்றும் யாம் அறியோம், பராபரமே!!
வாழ்த்துகள்!
பி.கு.:உங்கள் மனைவி திரும்பி விரைவினில் ஊரிலிருந்து திரும்பிவர வாழ்த்துகிறேன்!
இளமையில் நாங்களும் அப்படித்தானிருந்தோம் பிள்ளைகள் இரண்டு மூன்று வந்த பின் அல்லவா தெரிந்தது தெளிந்தது என் நெஞ்சம்
//குமரன் எண்ணம் said...
மாங்கல்யம் தந்து நானே
மகிழ்வாய் பெற்ற வர மடி நீ
நல்லா இருக்குங்க இது//
மாங்கல்யம் 'தந்து நானே' - தமிழில் சொல்லிப் பாருங்கள் மாங்கல்யம் கொடுத்து நான் என்ற பொருளில் வரும்.
வர மடி - வரத்தினால் கிடைத்த மடி
உங்களுக்கு புரிந்து இருக்கும் என்று நினைக்கிறேன் !
//ENNAR said...
இளமையில் நாங்களும் அப்படித்தானிருந்தோம் பிள்ளைகள் இரண்டு மூன்று வந்த பின் அல்லவா தெரிந்தது தெளிந்தது என் நெஞ்சம் //
முதலில் இரட்டையர், அடுத்து ஒன்றா ?
எல்லாம் ஐம்பது வயசுக்கு மேல சரியாகிப் போய்டும். தவறுகள் உணர்ந்தவர்கள் சொல்லுகிறார்கள் :)
GK,
கவிதை அருமை..
//அன்பர்கள் அவ்வப்போது வந்து மறுமொழியை பார்த்துச் செல்ல வேண்டுகிறேன் !//
இது Marketing Strategyயா?
// Sivabalan said...
GK,
இது Marketing Strategyயா? //
சிபா அதெல்லாம் ஒன்றும் மில்லை. இந்த கவிதைப் பதிவுகள் இன்று தான் மறுமொழி இடுகைக்கே தமிழ்மணத்தில் அனுமதி கொடுக்கப்பட்டுள்ளது. எனவே இது நாள் வரை நீங்கள் பின்னூட்டம் போட்டிருந்தாலும் அது இடுகையில் தெரியாது. அதனால் நினைவு படுத்துவதற்காக அந்த ஒன் லைன்.
//SK said... உங்கள் மனைவி திரும்பி விரைவினில் ஊரிலிருந்து திரும்பிவர வாழ்த்துகிறேன்! //
மனைவி ஊரிலிருந்து வரும்வரை தான் இது போல் முற்போக்காக கவிதை எழுதமுடியும் :) அதுக்கப்பறம்... அதுக்கப்பறம் ... நேரம் கிடைக்காதுன்னு சொல்ல வந்தேன்.
//சிறப்பான வரிகளையே தொடுத்திங்கு போட்டுவிட்டீர்!
மறுக்காமல் ஒப்புகொள்வேன் ஒவ்வொரு வரிதனையும்! -- கூடப்
பிறக்காத உறவான மனையாளை வாழ்த்தலன்றி
வேறொன்றும் யாம் அறியோம், பராபரமே!!//
கேட்டவர் நீரே சிறப்பென்றால் அச்சிறப்பு உமக்கும் உரியது :)
கொஞ்சம் பெரிய மனுஷத்தனமான விஷயம்.. ஆனால் யோசிக்க தகவல்கள் இருக்கின்றன. நன்றி. கருத்து சொல்ல விரும்ப வில்லை
:)
பி.கு.:உங்கள் மனைவி திரும்பி விரைவினில் ஊரிலிருந்து திரும்பிவர வாழ்த்துகிறேன்!
:)
முன்ன போட்ட பின்னூட்டம் கூட பொருந்தும். ஆனால் அது வேறொரு பதிவுக்காக எழுதியது...மாற்றி இதில் போட்டு விட்டென் ;)
//Vaa.Manikandan said...
கொஞ்சம் பெரிய மனுஷத்தனமான விஷயம்.. ஆனால் யோசிக்க தகவல்கள் இருக்கின்றன. நன்றி. கருத்து சொல்ல விரும்ப வில்லை
:)
//
வாங்க மணிகண்டன்... பெரிய மனுசத் தனமா ? புரியவில்லை. பின்னூட்டம் மூலம் தெரியப்படுத்துங்கள். புரிந்தால் மாற்றிக் கொள்கிறேன். அந்த பின்னூட்டத்தை வெளியிடாமல் இருந்து விடுகிறேன். இப்படி சொல்லவந்ததை சொல்லாமல் போனால், எனக்குள் ஏதோ நினைத்து என் கருத்துக்களுக்கு கடிவாளம் ஆகிவிடுமோ என்ற அச்சமும் இருக்கிறது. தயவு செய்து விளக்குங்கள்.
Post a Comment