தவளைச் சத்தம் !

காலங்கள் மாறி மழைக்காலம் வரும்போது
தவளைகள் சத்தமிடும் !

தவளைகளால் என்ன நன்மை என்று
யோசித்துப் பார்த்த போது ஒன்று
புரிந்தது ! இவைகளின் சத்தம் மட்டும்
இல்லாது போனால் இசையின்
இனிமை எனக்குத் தெரியாமலே
இருந்திருக்கும் !

தவளைகளுக்கும் நன்மை உண்டு !
கத்துவது தவளைத் தான் என்று
தவளைகள் இனம் கண்டு கொண்டு
ஆதரவு குரல் கொடுத்து தன் இன உணர்வை
வெளிப்படுத்துகிறது அல்லவா ?

வாலை இழந்திருந்தாலும் தவளைகளின்
சேட்டைகள் குறைவதில்லை !
அடுத்தவர் முதுகில் சவாரி செய்வதென்றால்
தவளைகளுக்கு அலாதி இன்பம் போல் !
பரிணாமம் பெற்று தேரையானாலும்
எதிர்ப்பாரத விதமாக எவர் முதுகிலாவது தாவி
தன்னை மகிழ்வித்துக் கொள்ளும் !

தவளைகளின் தனிச்சிறப்பென்று என்ன இருக்க முடியும் ?
தோலால் சுவாசிப்பதா ? அல்லது
கிணற்றுத் தவளைகளாக இருப்பதா ?

எனக்குத் தெரிந்தது கிணற்றுத்
தவளைகளுக்கு இருப்பது அற்ப பயம் !

கரையேறிவிட்டால் காணமல் போய்விடுமோ
என்ற வீன் பயம்விட்டு
எல்லாத் தவளைகளும் கரையேறினால்
பறந்த உலகத்தில் பரிணாமம் பெற்று
ஒருவேளை இறக்கை முளைத்துப் பறக்கலாம் !

தங்களின் சத்தம் இல்லாத வேளைகளில்
நினைத்துப் பார்க்குமா தவளைகள் ?