வேண்டுவது வரம் ...!(கவிதை)
வெப்ப மூச்சுகளின் உரசலுக்கு
விளைந்ததுதான் என் குறையா ?
வெளியுலகம் காணும்முன்
வெந்து, நான் இறப்பது முறையா ?
கருவில் எருவாகும் என் நிலை,
அது உன் படைப்புத் தொழிலால்
என்போன்றோர் மேல் செய்யும்
ஒரு வன் கொலை !
கடவுளே, கருவரை(றை)யிலும் நான்
கட்டிக்கொள்ள உடைகொடு
பெண் சிசு இதுவென்று, குறி'பார்த்து
கருவறுக்கும் நிலையறு !
கடவுள் வரமென்று காத்திருப்பவர்
பலர் இருக்க, இது
வேண்டாத கர்பம் என்று
வேரறுப்பவரிடம் தோற்றுவைக்காதே !
8 : கருத்துக்கள்:
//பெண் சிசு இதுவென்று, குறி பார்த்து
கருவறுக்கும் நிலையறு!//
//வேண்டாத கர்பம் என்று
வேரறுப்பவரிடம் தோற்றுவைக்காதே//
ஜிகே. சிறந்த கருத்துக்கள்.
படைப்பவனிடம் கேட்பதோடு நில்லாமல் இந்த கொலைக்கு தண்டனையும் தரப்பட வேண்டும்.
தண்டணையில்லாமல் தானாய் திருந்துவார் அல்லது சொல்லித் திருத்தலாம் என்பதெல்லாம் இவ்விஷயத்தில் எந்தப் பலனும் தரப்போவதில்லை.
அருமைங்க கோவியாரே!
//கடவுளே, கருவரை(றை)யிலும் நான்
கட்டிக்கொள்ள உடைகொடு
பெண் சிசு இதுவென்று, குறி'பார்த்து
கருவறுக்கும் நிலையறு !
//
சூப்பர்!
//கடவுள் வரமென்று காத்திருப்பவர்
பலர் இருக்க, இது
வேண்டாத கர்பம் என்று
வேரறுப்பவரிடம் தோற்றுவைக்காதே !
//
நியாயமான கோரிக்கை!
:(
பெற்றுவிட்டு வளர்க்கவிரும்பாமல்
"இல்லையொரு பிள்ளையென்று ஏங்குவோர் பலரிருக்க
இங்கு வந்து ஏன் பிறந்தாய் செல்வ மகனே" என்று பாடுவோருக்குக் கொடுக்காமல்
"எழுதுகிறேன் ஒரு கடிதம்.."
என்று பிறக்காத பிள்ளைக்கு கடிதம் எழுதும் தாய்மாருக்குத் தரலாம் அந்த வரத்தை!
//அவர்களை தொடர்ந்து கருக்களைப்புக்கு எதிராக மேலும் ஒரு குரல் ....
//
கருக் களைப்பு அல்ல!
தேவையின்றி வயிற்றில் உருவாக்கிக் கொள்வோருக்குத்தான் அது களைப்பு!
காத்திருந்து வரம் பெற்றோர்க்கு
அது சுகமான சுமை!
கண்ணன்,
பெற்றவளும் பெண்தான்,
தன் கருவைச் சுமப்பவளும் பெண்தான்,
வரும் வாரிசு மட்டும் பெண் வேண்டாம்//
மகள் மகனாகிப் பெற்றோரை காப்பாற்றும் நிலையும் வந்துவிட்டது.
இன்னும் வளரும்.
நிலை மாறும்.
நன்றாக இருப்போம்,
வாட்டம் வேண்டாம் மகளே/
என்று சொல்லும் நேரமும் வரும்.
நல்லதொரு நினைவுக்கு நன்றி.
கருக்க'லை'ப்புக் கவிதை -- அழுத்தமாக இருக்கிறது. "குறிபார்த்து" - சிலேடையை நன்றாக உபயோகித்திருக்கிறீர்கள்.
சுல்தான் ஐயா, நாமக்கல் சிபி,
உங்கள் பின்னூட்ட கருத்துக்களுக்கு நன்றி !!
கண்ணன் கருத்துச் செறிவு மிக்க ஆழமானக் கவிதை... வாசிக்கும்ம் போதே உலுக்கி விட்டது...தொடரட்டும் உங்கள் கவிதைகள்..
//Anonymous said...
கண்ணன் கருத்துச் செறிவு மிக்க ஆழமானக் கவிதை... வாசிக்கும்ம் போதே உலுக்கி விட்டது...தொடரட்டும் உங்கள் கவிதைகள்..
//
பாராட்டுக்கு நன்றி !
Post a Comment