கருவி பட்டை இல்லாமல் வாக்குப் போடுவது எப்படி ?

எந்த தொழில் நுட்பத்தையும் குறுக்குவழியில் வளைத்து சாதித்துக் கொள்வதாக நினைக்கும் கூட்டம் உண்டு, அது இங்கு தமிழ் மணம் திரட்டியில் இணைக்கும் பதிவுகளிலும் குழுவாக தொடர்ந்து நடந்துவருகிறது. 

குறிப்பிட்ட பதிவில் தமிழ்மணம் கருவிப்பட்டை இருக்காது ஆனால் மிகுதியான வாக்குகள் விழுந்துள்ளதாக 'வாசகர் பரிந்துரை' பகுதியில் காட்டும், அந்த குறிப்பிட்ட பதிவினுள் நுழைந்து தேடினால் நமக்கு தமிழ்மணம் கருவி பட்டை தென்படாது, நம்மால் எதிர்த்து வாக்களிக்கவோ முடியாது. குறிப்பாக எதிர்வாக்குகளை தடுத்து 'மகுடம் சூட்டிக் கொள்ள' தந்திரம் செய்பவர்களின் 'சிறு மூளையின்' வேலை தான் இது.

இந்த குறுக்கு வழியை எப்படி கையாள்கிறார்கள் என்று பார்ப்போம்.

• தமிழ் மணத்தில் ஏற்கனவே இணைந்துள்ளப் பதிவர்கள் வாக்களிக்கும் அல்லது பதிவுகளை தமிழ்மணத்தில் அளிக்கும் 'தமிழ் மண கருவிப்பட்டை வைத்திருப்பார்கள். கருவிப்பட்டை இருந்தால் நேரடியாக அதில் அழுத்தி தமிழ்மணத்தில் சேர்க்க முடியும். கூடவே ஆதரவு எதிர்ப்பு வாக்குகளுக்கான 'கை'கள் அங்கிருக்கும்.

• குறுக்குவழியாளர்கள் இந்த கருவிப்பட்டையை தங்களது பதிவு டெம்ளேட்டில் இருந்து நீக்கிவிடுவார்கள். அதன் பிறகு எழுதிய பதிவை நேரடியாக தமிழ்மணத்தில் 'இடுகைகளை புதுப்பிக்க' என்னும் இடத்தில் சுட்டியாக (URL) கொடுத்து இணைத்துவிடுவார்கள்.

• தமிழ் மணத்தில் இணைத்த பதிவுகள் ஒவ்வொன்றிற்கும் தமிழ்மணம் தனித் தனி பதிவு எண் ஒன்றை கொடுக்கும். பதிவை தமிழ்மணத்தில் சேர்த்த பிறகு தமிழ்மண முகப்பில் அந்த பதிவின் மீது மவுசை ஓட்டினால் தமிழ்மணத்தில் அந்த இடுகையின் பதிவெண் கிடைக்கும். (மேலே படம் பார்க்க) அதை எடுத்து வாக்களிக்கும் சுட்டியாக மாற்றிக் கொள்வதன் மூலம் வாக்குகளை கருவிப்பட்டை இல்லாமல் அளிக்க முடியும். இவ்வாறு உருவாக்கப்படும் சுட்டிகளை நண்பர்களுக்கு மின் அஞ்சல் / சாட் / குழும அஞ்சல் வழியாக அனுப்பி 'என்னுடை பதிவுக்கு ஓட்டு போட்டுவிடுங்கள்' என்று வேண்டுகோள் வைப்பார்கள். 

இப்போது ஒரு உதாரணம் பார்ப்போம்,

உண்மையை நோக்கி ஒரு பயணம்... - அன்னு என்பவர் ஒருவரின் பதிவில் தமிழ்மணம் கருவிப்பட்டை இல்லை, ஆனாலும் அந்தப் பதிவு வாசகர் பரிந்துரைப் பகுதியில் 12 வாக்குகள் பெற்றதாகக் காட்டுகிறது. இவருடைய அந்தப் பதிவிற்கு தமிழ்மணம் கொடுத்திருக்கும் பதிவு எண் : 1154152. அவருக்கு நேர் அல்லது எதிர் வாக்குகளை நீங்கள் செலுத்த விரும்பினால் 

ஆதரவு வாக்கிற்கு 

http://tamilmanam.net/rpostrating.php?s=P&i=1154152

எதிர் வாக்கிற்கு

http://tamilmanam.net/rpostrating.php?s=N&i=1154152

பின்குறிப்பு : நான் அவருக்கு(அன்னுவுக்கு) ஆதரவாக / எதிராக வாக்களிக்கச் சொல்லி சுட்டிக் கொடுக்கவில்லை, உதாரணத்திற்குக் காட்டியுள்ளேன், தவிர அன்னு என்பவர் இப்படித்தான் செய்துள்ளாரா வேற வழி வைத்திருக்கிறாரா என்றும் எனக்கு தெரியாது. நட்சத்திர வாரத்தில் இது போன்றப் பதிவுகளை காலம் பதிவில் எழுத வேண்டாம் என்பதால் இதில் எழுதுகிறேன், இது நட்சத்திரப் பதிவும் அல்ல. ஒரு விழிப்புணர்வு பதிவு மட்டுமே. எதிர்வாக்குகள் முடக்கப்பட்ட பதிவுகளில் நீங்களே அந்தப் பதிவுகளின் தமிழ்மணப் பதிவு எண்ணை (மேற்கண்டவாறு) சுட்டியாக அமைத்து உலவியின் முகவரியில்  செலுத்தி வாக்களிக்க முடியும்.